Осылай жетелейді жыраққа арман
Құрбылар артта қалар сыр ақтарған
Туған үй, атаң қалды, анаң қалды
Артыңа қарайлама бірақ қарғам
Қайырмасы:
Көрсетіп жап-жарық жасаған жол,
Жақсылық әкелсін босағаң мол.
Жүрерсің анаңның ізіменен,
Жат жұрттық жарығым қош аман бол.
Несіне алаңдаумен егілемін
Бір емес екеу болды-ай сенің елің
Келіннің алды болғын айналайын
Еліңнің еркелеткен елігі едің
Қайырмасы:
Көрсетіп жап жарық жасаған жол
Жақсылық әкелсін босағаң мол
Жүрерсің анаңның ізіменен
Жат жұрттық жарығым қош аман бол