Bir bahor bo‘lgandi, beqaror edi
Dilga ishq qurgandi, beg‘ubor edi
Ul go‘zal kulgandi, betakror edi
U olis o‘n sakkiz yoshimda edi
U olis o‘n sakkiz yoshimda edi
Jiydazor poyoni hech ko‘rinmasdi
Tonggacha kezardik, oy erinmasdi
Bizlarga baxt tilab qushlar tinmasdi
U olis o‘n sakkiz yoshimda edi
U olis o‘n sakkiz yoshimda edi
Ko‘ylagi oq edi, beg‘ubor edi
Meni maftun etgan bir ifor edi
O‘n yetti yosh qizning hidi bor edi
U olis o‘n sakkiz yoshimda edi
U olis o‘n sakkiz yoshimda edi